Tempo di lesa: 3 minuut
Creative Commons ta un organisacion cu a desaroya un sistema den cual creador facilmente por indica cu otro por uza, comparti y/of coregi nan obra (p.e. musica, texto, potret y ilustracion), bou di cierto condicion, Esaki nos ta yama e licencianan di Creative Commons.
Video tocante e licencianan di Creative Commons (1.24 min)
Seis variante di licencia di Creative Commons #
E licencianan ta disponibel den seis diferente variante cu diferente condicion, di liber te cu estricto. Solamente e licencianan mas liber den e parti berde di e skema akibou, por uza riba Wikipedia y websitenan relaciona cu esaki (manera Wikimedia Commons).
skema di e diferente licencianan di Creative Commons cu e licencianan cu por uza pa Wikipedia den color berde
Licencia di Creative Commons riba Wikipedia #
Riba Wikipedia tur contenido ta contenido cu mester ta liber pa reuza y edita, incluso pa fin comercial. P’esey, ora cu bo añadi of haci cambio den un articulo, bo ta bay automaticamente di acuerdo, ora cu bo publica, cu bo contribucion ta liber bou di licencia Atribucion Comparti di Creative Commons 3.0 9 (Creative Commons Naamsvermelding Gelijkdelen 3.0 licentie).
Uzo semper ta gratis y irevocabel #
Bou di tur e licencianan aki e creador ta duna permiso pa haci uzo di su obra gratis (sin ningun costo). Tambe e licencianan ta irevocabel: unabes cu publica obra liber bou di licencia di Creative Commons, no por revoca esaki mas.
Licencia di Creative Commons = facil pa reuza #
Si bo saca un potret, graba un video of crea un pintura, abo ta doño di esaki. Automaticamente bo tin derecho di autor tambe riba e obra. Esey kiermen cu abo por dicidi con ta uza bo obra y ken mag di uze. Si un obra no tin licencia di CC, mester pidi e creador permiso apart pa por uza esaki. Esey ta haci dificil pa reuza obra creativo (legalmente). Si bo haci uzo di un licencia di CC, di biaha ta bon cla pa tur hende kico por haci cu bo obra. Esey ta haci cu ta mas facil pa reuza y esey ta stimula creatividad.
Mas informacion #
Articulo relaciona cu esaki #
Con e asunto di derecho di autor ta regla pa Wikipedia?
Tin regla pa añadi ilustracion riba Wikipedia?
Tin regla basico riba Wikipedia?
