---
title: "Con mi por manda un e-mail pa un otro usuario via Wikipedia?"
description: "E articulo aki ta splica con bo por manda un e-mail pa un otro usuario di Wikipedia via di e funcion **“E-mail e usuario aki” (E-mail deze gebruiker)**, Paga tino: esaki ta **posibel solamente si e usuario a duna permiso…"
url: "https://kennisplatform.wikimedia.nl/pap/artikelen/traha-hunto/con-mi-por-manda-un-e-mail-pa-un-otro-usuario-via-wikipedia/"
updated: "2025-09-15"
category: Traha hunto
---

# Con mi por manda un e-mail pa un otro usuario via Wikipedia?

E articulo aki ta splica con bo por manda un e-mail pa un otro usuario di Wikipedia via di e funcion **“E-mail e usuario aki” (E-mail deze gebruiker)**, Paga tino: esaki ta **posibel solamente si e usuario a duna permiso explicitamente** den su configuracion di Wikipedia. Si bo no ta wak e opcion riba un persona su pagina di usuario, esey ta nifica cu comunicacion via e-mail no posibel via di Wikipedia. E ora por purba via di [e pagina di discusion di e usuario. ](https://kennisplatform.wikimedia.nl/pap/artikelen/traha-hunto/con-mi-por-laga-un-mensahe-riba-e-pagina-di-discusion-di-un-usuario-di-wikipedia/)

## **E condicionnan pa haci uzo di e funcion **

- **Bo mes mester tin un cuenta di usuario di [Wikipedia](https://pap.wikipedia.org/wiki/P%C3%A1gina_Prinsipal).**
- **Bo mester a completa verificacion di e-mail (bo mester a confirma bo e-mailadres).**
- E **persona cu ta ricibi e e-mail mester a indica den su preferencianan**cu otro usuario por tuma contacto cu ne via e-mail.

## **E pasonan pa manda un e-mail pa un usuario via di Wikipedia**

## **Paso 1: Log in riba bo cuenta di usuario di Wikipedia**

Bay na [pap.wikipedia.org](https://pap.wikipedia.org/wiki/P%C3%A1gina_Prinsipal) y log in cu bo nomber di usuario y bo password.

## **Paso 2: Bay riba e pagina di usuario di e persona na kende bo ke dirigi un e-mail**

Type den e veld di busca Usario:Nomber di usuario (reemplasa *Nomber di Usuario* door di e nomber di usuario berdadero di e persona). Por ehempel: Usuario:Rarends297

![](https://kennisplatform.wikimedia.nl/wp-content/uploads/2025/09/Printscreen1-1-1024x95.jpg)

## **Paso 3: Busca e link “E-mail e usuario aki”**

- Den e menu na man robes bou di “Recurso” (Tools), bo ta wak e opcion **“E-mail e usuario aki”** (E-mail deze gebruiker) si e usuario tin e-mail activa.
- Klik riba **“E-mail e usuario aki”**(E-mail deze gebruiker).

**Paga tino:**Si bo no ta wak e link aki, sea e usuario no a activa e funcion aki of e no tin un e-mailadres valido asocia na su cuenta di usuario.

![](https://kennisplatform.wikimedia.nl/wp-content/uploads/2025/09/Printscreen2.jpg)

## **Stap 4: Yena e formulario**

Bo ta yega na un pagina caminda bo por manda un e-mail.

![](https://kennisplatform.wikimedia.nl/wp-content/uploads/2025/09/printscreen3-1024x597.jpg)

- Yena e **topico** y e **mensahe**.
- Si bo ta desea, marca e hoki pa **manda copia di e e-mail pa bo mes**.
- Klik riba e conopi blauw **“Manda”** (Send).

![](https://kennisplatform.wikimedia.nl/wp-content/uploads/2025/09/Printscreen4-1024x274.jpg)

E ora ta manda e e-mail na e e-mailadres registra di e usuario via di e sistema di Wikipedia.

## **Tene cuenta (privacidad):**

- Ta manda bo e-mailadres (como remitente) na esun cu ta ricibi e e-mail. 
- E e-mailadres di esun cu ta ricibi e e-mail **semper ta keda scondi**.

## **Abo mes kier ta accessible via di e funcion aki? **

Bay anto na:

![](https://kennisplatform.wikimedia.nl/wp-content/uploads/2025/09/Printscreen5-1024x395.jpg)

- Klik na man drechi riba riba e simbolo di hende y despues riba **“Preferencia”**(Preferences).
- Bay na e tab **“Profiel di Usuario”**(User profile).
- Bay na e titulo **“E-mail”** 
- Marca e hoki: **“Permiti otro usuario pa manda mi e-mail”**(Allow other users to email me).
- Klik abou riba e conopi blauw ‘Warda’ (Save) pa warda bo cambionan. 

![](https://kennisplatform.wikimedia.nl/wp-content/uploads/2025/09/printscreen6-1024x542.jpg)

(Percura pa bo e-mailadres ta verifica)

![](https://kennisplatform.wikimedia.nl/wp-content/uploads/2025/09/Printscreen7-1024x109.jpg)

## **Articulo relaciona cu esaki**

[Con mi por traha un cuenta di usuario riba Wikipedia?](https://kennisplatform.wikimedia.nl/pap/artikelen/cuminsa/kiko-mi-por-hasi-pa-crea-un-cuenta-riba-wikipedia-3/)[Con mi por laga un mensahe riba e pagina di discusion di un usuario di Wikipedia?](https://kennisplatform.wikimedia.nl/pap/artikelen/traha-hunto/con-mi-por-laga-un-mensahe-riba-e-pagina-di-discusion-di-un-usuario-di-wikipedia/)Con mi organisacion por keda na altura di desaroyo riba Wikimedia?
