Con mi por manda un e-mail pa un otro usuario via Wikipedia?

E articulo aki ta splica con bo por manda un e-mail pa un otro usuario di Wikipedia via di e funcion “E-mail e usuario aki” (E-mail deze gebruiker), Paga tino: esaki ta posibel solamente si e usuario a duna permiso explicitamente den su configuracion di Wikipedia. Si bo no ta wak e opcion riba un persona su pagina di usuario, esey ta nifica cu comunicacion via e-mail no posibel via di Wikipedia. E ora por purba via di e pagina di discusion di e usuario. 

E condicionnan pa haci uzo di e funcion  #

• Bo mes mester tin un cuenta di usuario di Wikipedia.
• Bo mester a completa verificacion di e-mail (bo mester a confirma bo e-mailadres).
• E persona cu ta ricibi e e-mail mester a indica den su preferencianan cu otro usuario por tuma contacto cu ne via e-mail.

E pasonan pa manda un e-mail pa un usuario via di Wikipedia #

Paso 1: Log in riba bo cuenta di usuario di Wikipedia #

Bay na pap.wikipedia.org y log in cu bo nomber di usuario y bo password.

Paso 2: Bay riba e pagina di usuario di e persona na kende bo ke dirigi un e-mail #

Type den e veld di busca Usario:Nomber di usuario (reemplasa Nomber di Usuario door di e nomber di usuario berdadero di e persona). Por ehempel: Usuario:Rarends297

Paso 3: Busca e link “E-mail e usuario aki” #

• Den e menu na man robes bou di “Recurso” (Tools), bo ta wak e opcion “E-mail e usuario aki” (E-mail deze gebruiker) si e usuario tin e-mail activa.
• Klik riba “E-mail e usuario aki” (E-mail deze gebruiker).

Paga tino: Si bo no ta wak e link aki, sea e usuario no a activa e funcion aki of e no tin un e-mailadres valido asocia na su cuenta di usuario.

Stap 4: Yena e formulario #

Bo ta yega na un pagina caminda bo por manda un e-mail.

• Yena e topico y e mensahe.
• Si bo ta desea, marca e hoki pa manda copia di e e-mail pa bo mes.
• Klik riba e conopi blauw “Manda” (Send).

E ora ta manda e e-mail na e e-mailadres registra di e usuario via di e sistema di Wikipedia.

Tene cuenta (privacidad): #

• Ta manda bo e-mailadres (como remitente) na esun cu ta ricibi e e-mail. 
• E e-mailadres di esun cu ta ricibi e e-mail semper ta keda scondi.

Abo mes kier ta accessible via di e funcion aki?  #

Bay anto na:

• Klik na man drechi riba riba e simbolo di hende y despues riba “Preferencia” (Preferences).
• Bay na e tab “Profiel di Usuario” (User profile).
• Bay na e titulo “E-mail” 
• Marca e hoki: “Permiti otro usuario pa manda mi e-mail” (Allow other users to email me).
• Klik abou riba e conopi blauw ‘Warda’ (Save) pa warda bo cambionan. 

(Percura pa bo e-mailadres ta verifica)

Articulo relaciona cu esaki #

Con mi por traha un cuenta di usuario riba Wikipedia?
Con mi por laga un mensahe riba e pagina di discusion di un usuario di Wikipedia?
Con mi organisacion por keda na altura di desaroyo riba Wikimedia?