Riba Wikipedia tur usuario tin un pagina di discusion, na unda por discuti con nos por haci e contenido di Wikimedia mas miho posibel. Ta uza e paginanan aki hopi biaha pa comunica tocante edicion haci, haci pregunta of pa hiba discusion.
E articulo aki ta splica paso pa paso con bo por laga un mensahe riba e pagina di discusion di un usuario di Wikipedia.
Bay na e pagina di discusion di e usuario #
1. Busca e pagina di usuario di e persona kende bo ke comunica cu ne. Esaki por na diferente manera:
- Klik riba e nomber di usuario di e persona den un articulo of discusion.
- Type den e veld di busca: `Usuario:Nomber di usuario` (por ehempel: `Usuario:Ginelly.Q`).
2. Unabes riba e pagina di usuario, klik riba e opcion “Discusion” (banda di e tab “Pagina di usuario”) riba e tabnan ariba na e pagina.
Añadi un mensahe #
1. Asina cu bo ta riba e pagina di discusion, bo ta wak na man drechi ariba e conopi blauw ‘añadi topico’. Esaki bo ta uza pa cuminsa cu un mensahe nobo. Klik riba esaki. Un cuadro di dialogo (dialog box) ta habri.
2. Si bo ta cuminsa cu un topico nobo, bo mester yena un titulo den e veld ‘Topico’. Esaki ta e titulo di bo mensahe.
3. Splicacion: den e veld bou di e titulo bo por skirbi bo mensahe. Automaticamente bo mensahe ta firma cu bo nomber di usuario (si bo a log in) y asina ta cla cu ta abo a laga e mensahe. Paga tino: Tene cuenta cu e paginanan di discusion no ta publico y no ta kita nan, pues sea cla y cortes.
4. Ora bo cla di skirbi bo mensahe, bo por klik riba e boton blauw ‘Añadi topico’ abou na e pagina.
Awo bo mensahe ta poni.
Algun tip importante #
- Sea cortes y constructivo: E paginanan di discusion ta destina pa colaboracion, pues tene e mensahenan cortes y util.
- Lesa e guia: Zorg pa bo ta conoci cu e guianan di Wikipedia tocante cortesia y discusion, pa evita mal comprondemento. Trece bo preguntanan dilanti: Yuda:Kontenido – Wikipedia
Articulo relaciona cu esaki #
Con mi ta log in riba Wikipedia?
Con mi ta traha un cuenta di usuario riba Wikipedia?
Con mi ta traha un profiel?
