Con mi ta traduci un articulo di un otro idioma cu e herment di traduccion?

Indicacion importante #

Un manera rapido y basta simpel pa traduci un articulo cu ta existi caba riba Wikipedia den un idioma pa un otro idioma ta e herment di traduccion. E herment aki ta haci uzo di traduccion automatisa. Pa por traha cu esaki bo mester tin un cuenta di Wikipedia y bo mester activa e herment di traduccion den configuracion di usuario. Djey bo por cuminsa traha.

Log in of traha un cuenta (account) 

• Bay na pap.wikipedia.org (of e version di e idioma na cual bo kier traduci un articulo, p.e. nl.wikipedia.org
• Log in cu bo nomber di usuario y bo password. Bo no tin un cuenta (account) ainda? Traha un cuenta prome. Pa por haci uzo di e herment di traduccion bo mester tin un cuenta!

Activa e herment di traduccion den bo configuracion di usuario (un solo bes) #

Paga tino: e siguiente funcion no ta accesibel via pagina di Wikipedia-pap pero riba esun di Wikipedia Ingles of Hulandes. Ta conseha pa activa e herment di traduccion riba wikipedia Ingles of Hulandes.

• Den e menu banda drechi ariba bo ta wak e opcion ‘bèta’. Klik eyriba

• Scroll bay abou te ora bo wak e opcion ‘Traduccion di contenido’. Marca e hoki aki pa activa e herment.
• Sigui scroll bay na final di e pagina y klik riba e conopi blauw ‘Warda’ pa warda bo preferencianan nobo cu bo a selecta. 

Awo bo a activa e herment di traduccion (translation tool) 

Cuminsa traha cu e herment di traduccion #

Si bo a activa e herment di traduccion bo por traha den e siguiente forma pa traduci:  

• Den e menu na banda drechi ariba banda di e icono preto di un hende bo ta wak e opcion ‘traduccion’ (translations) . Klik riba esaki. Bo ta yega na e pantaya principal di e herment di traduccion. Bo no ta mira ningun opcion ‘traduccion’ ? Sigui e pasonan akiriba un biaha mas (porta no a warda bo cambionan).

• E herment ta traduci standard for di Ingles pa Hulandes. Si bo ke traduci for di of pa un otro idioma, bo por cambia esaki door di klik e conopinan ‘English’ en/of ‘Nederlands’ y scohe e idioma cu bo ta desea manera Papiamento. Akinan bo ta haya sugerencia tambe di articulo cu mester traduci di e idioma pa e idioma cu bo a selecta.      
• Pa cuminsa traduci, bo mester klik riba e conopi ‘New translation’. 
  

• Busca un articulo cu bo ke traduci, p.e. nomber di un persona of un luga. E herment ta indica si tin un articulo caba riba esaki den e idioma cu bo ke bay traduci for di dje y si den e idioma cu bo ke bay traduci na dje no tin un articulo ainda riba esaki. Ora cu bo haya un articulo adecua, bo mester selecta e articulo door di klik riba e link blauw.
  

E herment ta genera tres kolom banda di otro: 

• un cu e texto den e idioma original (1)
• un kolom bashi na unda bo traduccion ta bin (2)
• un tercer kolom cu sugerencia y advertencia (3)
  

• Pa bo copia un paragraf den bo traduccionnan, bo mester klik e espacio bashi banda di e texto original cu bo kier tuma over riba e texto ‘add translation’ . E herment ta genera un traduccion automatico. Bo no mester tuma ful e texto for di e articulo original; scohe local abo ta haya relevante. Imagen tambe bo por copia na e manera aki.

Paga tino: miho bo salta e asina yama ‘infobox’ cu tur e datonan principal na cuminsamento di e articulo pasobra hopi biaha e no ta bay bon den traduccion.

• Den e traduccionnan automatisa genera, tambe ta copia link na otro articulo di Wikipedia. Si un articulo no ta existi ainda den e idioma na cua bo ta traduci, e link ta shinishi.
• Semper controla si e linknan ta dirigi na e pagina corecto y si ta uza e palabra corecto, door di klik riba e link. Den e kolom na banda drechi por wak pa unda e pagina ta referi. Si e palabra uza no ta cuadra cu e nomber di e articulo, manera e ehempel akibou, por cambia esaki door di klik riba ‘Bewerken’ den e di tres kolom y busca e articulo corecto den e veld di busca (zoekveld).
  

• e kolom na banda drechi ta duna advertencia tambe tocante e porcentahe di texto traduci automatisa den bo traduccion. Skirbi traduccion automatisa den bo mesun palabra y check si e frasenan ta cana bon y si e palabranan ta traduci corectamente. Abo ta responsabel pa e calidad di e traduccion. Articulo traduci 100% automatisa no ta permiti y ta kita esakinan.
• Adapta e texto door di pone e cursor riba e frasenan cu bo ke ahusta y type e texto nobo. E texto original ta keda visibel den e prome kolom pa asina bo por controla.
• Si e traduccion automatisa ta hopi malo, tin biaha e ta yuda si bo uza un otro tipo di programa di traduccion automatisa. Bo por scohe esaki den e dropdown menu den e kolom na banda robes. (P.e. Yandex ta traduci miho na Papiamentú)
  

• paga tino: e herment ta copia e referencianan (fuente) tambe pa e texto nobo. Laga esakinan den bo traduccion si bo mes a check e fuente pa verifica e informacion. Si bo no haci esaki (e no ta obligatorio) bo mester kita e referencianan.
• E herment ta copia e categorianan tambe automaticamente, pero solamente den caso cu ya nan ta existi den e idioma pa cua bo ta traduci aden. Bo mes por añadi otro categoria door di klik riba e veld di busca (search) y añadi un categoria cu bo ta sugeri.
• Turesten bo traduccion ta warda automaticamente, pa asina bo por traha riba dje trankilamente riba bo propio tempo. Bo por haya esaki bek semper, door di primi riba e conopi ‘traduccion’ (translation) den e menu na banda drechi ariba y despues primi riba e conopi ‘den procesamento’ (in bewerking).
  

• Bo ta satisfecho cu bo traduccion? Klik riba e conopi blauw ‘publica’ (publish) pa pone bo articulo riba Wikipedia.  
• Sugerencia pa principiante: Bo ke laga un otro hende check bo trabou prome?
  Publica prome riba bo kladblok. Esaki ta consehabel ora bo ta cuminsando riba Wikipedia. Klik riba e icono di radar banda di e conopi ‘publica’ (publish) y cambia e destinacion di ‘articulo nobo’ (new articel) pa ‘kladblok personal’ (personal draft) y klik riba e conopi blauwe ‘aplica cambio’ (apply changes).
  

Pa mas informacion por mira: 
Wikipedia:ContentTranslation – Wikipedia
Content translation – MediaWiki

Video: kico ta herment di traduccion (na Ingles)  #

E video cortico aki ta splica con e herment di traduccion ta traha (riba Wikipedia na Ingles, 4,15 min): 

Y e video di instruccion largo aki ta guia bo paso pa paso con pa traha un cuenta, edita visualmente, traha un profile te cu traduccion di articulo cu e herment di traduccion (17 min, na Ingles, Riba Wikipedia na Ingles):

Tips con pa traduci for di un otro idioma pa Papiamento (of Ingles) #

• traduci solamente un topico cu bo ta conoci cu ne
• no traduci literalmente, sigur si bo no ta mucho familiar cu e topico
• traha un resumen amplio di articulo largo cu hopi detaye
• sea critico: por tin eror of cosnan cu no ta cuadra den articulo

Articulo relaciona cu esaki #

Con mi por traha un cuenta riba Wikipedia?