Wikipedia ta un di e proyectonan mas notabel riba internet: un enciclopedia liber, dirigi pa comunidad y cu ta disponibel den diferente idioma. Pero hopi hende no ta realisa cu un version di Wikipedia den un solo idioma por sirbi pa varios variante di e mesun idioma. Por ehempel: e Wikipedia na Ingles ta inclui articulo skirbi tanto den Ingles Britanico como Ingles Mericano. Mes cos ta pasa cu e Wikipedia Hulandes, cu ta skirbi pa Hulandes (como ta papia na Hulanda) y Flamenco (cu ta papia na Belgica).
E modelo multilingual aki ta aplica tambe na Wikipedia di Papiamento, cu ta sirbi pa e lenguahe Papiamentu y Papiamento.
Indica y respeta variante di idioma #
Dicon Wikipedia di Papiamento ta un plataforma comparti? E editornan ta curasha pa indica den cua variante un articulo ta skirbi originalmente, si ta den Papiamento of Papiamentu. Ora un variante wordo scogi pa un articulo, e ta bon pa sigui practic’e, p’asina keda consistente y sigui edita den e mesun variante pa preserva claridad y evita confusion pa otro lector y editornan.
Bo por consulta e documento riba Wikipedia di Papiamento pa mas informacion tocante con pa indica e variante.
Mescos cu Ingles, Wikipedia ENG ta acepta tanto “color” como “colour” pero ta spera consistencia den un mesun articulo. E principio aki ta aplica tambe na Papiamento y Papiamentu den nan plataforma comparti.
Dicon Wikipedia di Papiamento ta un plataforma comparti? E editornan ta curasha pa indica den cua variante un articulo ta skirbi originalmente, si ta den Papiamento of Papiamentu. Ora un variante wordo scogi pa un articulo, e ta bon pa sigui practic’e, p’asina keda consistente y sigui edita den e mesun variante pa preserva claridad y evita confusion pa otro lector y editornan.
Bo por consulta e documento riba Wikipedia di Papiamento pa mas informacion tocante con pa indica e variante.
Preserva y promove lenguahe den tur forma. #
No ta importa si bo ta skirbi den Papiamento of Papiamentu, contribui na Wikipedia di Papiamento/u ta yuda preserva y promove e idioma den tur su forma. Si bo ta respeta cada variantey colabora entre diferente manera di skirbi, e comunidad di Wikipedia ta sigui construi un fuente di informacion valioso y inclusivo pa tur cu ta papia Papiamento/u den islanan ABC—y den mundo henter.
