Esaki por na dos manera, di antemano (si e trabou no ta haci ainda) y despues (si e trabou ta haci caba):
Di antemano #
Si como institucion di herencia bo a laga un persona cu no ta trahando como empleado haci un trabou (por ehempel saca potret, traha video of pelicula), e creado ta mantene derecho riba trahamento di copia, a menos cu contractualmente a palabra diferente. Creative Commons di Hulanda ya pa hopi aña ta ofrece un clausula standard cu bo por inclui den bo acuerdonan y encargonan na tercero; aki por haya esey.
Despues #
Ta posibel tambe cu despues bo ke pidi permiso di e creado pa distribui su trabou via di licencia di Creative Commons, por ehempel pasobra bo tin e trabou den bo coleccion y bo ke comparti esaki. E ora bo por haci uzo di un confirmacion di licencia separa despues cu e trabou ta haci caba.
E confirmacion di licencianan aki ta acuerdonan riba nan mes, cu ta brinda e creadonan un forma standarisa pa por duna permiso pa reuza nan obra. E confirmacion di licencia ta disponibel den dos variante y tur dos ta haci cu obranan ta apropia pa reuza y distribucion via Wikimedia (download PDF gratis via Wikimedia Commons):
- confirmacion di licencia di Atribucion di Creative Commons 4.0 (licentiebevestiging Creative Commons Naamsvermelding 4.0)
- confirmacion di licencia di Atribucion – Comparti di Creative Commons 4.0 (licentiebevestiging Creative Commons Naamsvermelding – Gelijkdelen 4.0)
Base #
Creative Commons di Hulanda a scirbi e confirmacion di licencianan aki pa organisacion y institucion cu ta encarga persona pa saca potret, traha pelicula, obra di arte of otro trabou creativo y cu kier distribui esakinan gratuitamente. E documentonan aki por uza como confirmacion simpel di esun cu tin e derechonan cu ta declara cu ta bay di acuerdo pa comparti su obra conforme e licencia palabra.
Wak tambe:
Articulo relaciona cu esaki #
Con e asunto di derecho di autor ta regla pa Wikimedia?
Kico ta Creative Commons?
