Tur hende na mundo por modifica, comparti y uza tur contenido di Wikipedia libremento, bou di cierto condicion. Pa sigura cu esaki cana bon, Wikipedia y tur website afilia (manera Wikimedia Commons y Wikidata) ta mantene regla esctricto pa loke ta trata derecho di autor.
E articulo aki ta splica brevemente con esaki ta riba Wikipedia. Pa regla specifico pa cada plataforma por lesa e articulonan relaciona cu esaki akibou.
Wikipedia: Creative Commons BY-SA 4.0 #
Ora bo contribui na Wikipedia, automaticamente bo ta bay di acuerdo cu bo ta haci e contribucion liber bou di Licencia Atribucion Comparti di Creative Commons 4.0 (CC-BY-SA 4.0). Esaki ta un acuerdo standarisa cu ta indica cu otro hende por modifica, comparti y uza bo texto.
E unico condicion ta cu nan mester indica cu e texto ta bini di Wikipedia y cu nan mesun texto tambe ta liber bou di e mesun licencia. Ora bo primi e boton ‘publica cambio’, despues di modifica un articulo riba Wikipedia, bo ta mira un declaracion abou cu ta indica cu bo ta otorga licencia CC-BY-SA na bo contribucion. No por hala atras despues di esaki.
E licencia cu bo ta bai acuerdo cune pa uso riba Wikipedia
Skirbi semper den bo mesun palabranan #
Semper ta importante pa skirbi den bo mesun palabranan, pa asina percura cu bo contribucion no ta viola derecho di autor di otro autor. Nunca copia texto di otro fuente literalmente pa pone riba Wikipedia.
Mas informacion #
Wikipedia PAP: Derecho di autor
Articulo relaciona cu esaki #
Tin regla pa añadi ilustracion riba Wikipedia?
Kico ta Creative Commons?
