Tempo pa lesa: 3 minuut
Ora bo crea un cuenta riba Wikipedia (of Wikimedia Commons, of Wikidata), bo por duna bo e-mailadres. Automaticamente esaki ta keda warda den bo preferencianan di usuario.
Si ora bo a crea bo cuenta bo no a duna bo emailadres y bo kier añadi esaki ainda of bo kier cambia bo e-mailadres? E articulo aki ta splica con bo por haci esaki.
Registra, cambia of kita bo e-mailadres #
N.B: e articulo aki ta splica con pa registra un e-mailadres riba Wikimedia Commons, pero e procedura ta mesun cos riba tur otro site di Wikimedia.
- Bay na commons.wikimedia.org
- Log in cu bo nomber di usuario y bo password. Con mi ta log in riba Wikipedia?
- Na banda drechi ariba den e menu riba e veld di busca, bo ta wak un link ‘Preferencia’ (Voorkeuren). Klik riba esaki.
- Bay na e tab ‘E-mail’.
Si bo no a pone un e-mailadres, bo ta wak un boton ‘pone un e-mailadres’ eynan. Klik riba esaki.
Si bo ke cambia bo e-mailadres, bo ta wak un boton ‘Cambia un e-mailadres’.
- Bo ta wak un pagina ‘Cambia of kita e-mailadres’.
Type e e-mailadres cu bo ke pone of cambia den e veld ‘e-mailadres nobo’.
Si bo ke kita bo e-mail, haci e veld bashi.
Klik riba e boton blauw ‘Cambia e-mailadres’ y warda bo preferencia.
- Si bo a kita bo e-mailadres, esaki no t’ey mas awo.
Si bo a duna un e-mailadres, a manda un e-mail pa confirma esaki riba e e-mailadres cu bo a duna. Sigui e instruccionnan den e e-mail pa confirma bo e-mailadres.
Awo bo e-mailadres ta confirma.
Dicon registra un e-mailadres? #
E no ta obligatorio pa registra un e-mailadres, pero si e ta e unico manera pa reestablece (reset) bo password si bo lubida esaki.
Otro editor di Wikipedia por localisa bo via di bo e-mailadres pa consulta cu bo of pa haci bo pregunta. Abo mes por scoge pa permiti of pa kita e opcion aki den bo preferencianan. Bou di e tab ‘e-mail’ bo por marca e hoki na ‘Permiti otro usuario manda mi e-mail’ (Allow other users to email me). Wak e pasonan akibou.
Finalmente, tin biaha, un e-mailadres registra ta un rekisito pa por participa na cierto competencia, manera Wiki Loves Monuments, pasobra e organisacion mester por tuma contacto cu bo tocante bo participacion.
