Tempo pa lesa: 5 minuut
Investigacion ta mustra cu cerca 99% di loke ta busca riba Google, Wikipedia ta aparece riba e prome pagina di resultado. Wikidata, cu ta e database structura di Wikipedia, ta menos conoci, pero e ta percura pa hopi visibilidad adicional. E articulo aki ta splica pakico ta util tambe pa haci bo datonan disponibel via Wikidata.
‘With our current information-seeking behavior and search engine algorithms, being part of the global online structured networks of data, can position museum content in a prevalent position as quality trusted data.’
saca for di Museum Collections on Wikipedia: Opening Up to Open Data Initiatives
Wikidata ta cla pa Google uza directamente #
Mayoria hende ta uza mashin di buskeda (search engines). E mashinan di buskeda ta uza Wikidata pa compronde miho cu kico nan tin di haber (un hende, un luga, un edificio) y asina nan por duna miho contesta na e preguntanan di usuario. Google ta hasta uza Wikidata pa yena su ‘Knowledge Panel’, e resumen cu dato util cu bo ta mira na banda drechi di e pantaya ora bo ta busca algo. Si bo ta presente riba Wikidata, bo organisacion y bo coleccion ta mas facil pa haya pa (posibel) bishita.
Google Knowledge panel na man drechi riba e pantaya ora bo ta haci buskeda di ‘Archivo Nacional Aruba’
Wikidata ta amigo di Alexa y Siri tambe #
Door cu e datonan riba Wikidata ta facil pa computer busca y procesa, e asistentenan personal manera Alexa y Siri ta haci bon uzo di Wikidata.
Wikidata ta Linked Open Data #
Data añadi riba Wikidata ta automaticamente Linked Open Data, door di e manera cu e ta structura. Esaki ta nifica cu por conecta bo datonan (di bo coleccion) cu otro y a base di e conexionnan por genera otro relacion y otro criteria. Wikidata ta link na y for di hopi database y website internacional manera VIAF, Internet Movie Database y Quora. Na e manera aki ta amplia y enrikese bo datonan riba Wikidata.
Wikidata ta multilingual #
Tur informacion den Wikidata ta disponibel den mas idioma. Si bo añadi bo datonan na Wikidata, bo por probecha di e multilingualismo y cu bo datonan (di bo coleccion) ta visibel y accesibel internacionalmente.
Lesa mas #
WIRED: Inside the Alexa friendly world of Wikidata
Wikidata in AI and cognitive applications
Museum Collections on Wikipedia: Opening Up to Open Data Initiatives
