Tempo pa lesa: 5 minuut (8 minuut incluyeno video)
Wikidata ta un database cu hende y machine por lesa, cu a crea originalmente pa sostene Wikipedia. El a cuminsa como un fuente di informacion comun pa dato hopi uza den articulo riba Wikipedia, por ehempel fecha di nacemento.
Wikidata pa conecta y amplia data #
Entretanto Wikidata tin mas cu 95 miyon item y el a crece te un di databasenan mas importante di mundo cu ta libremente accesibel. E ta un database cu ta hayando ademas mas y mas atencion cerca institucion di conocemento y di herencia cultural. Via Wikidata institucionnan di herencia cultural por conecta cu otro y amplia nan propio data. Tambe Wikidata ta fungi como plataforma avansa di control di autoridad. Tin sigur 25.000 editor activo
Data riba Wikidata #
Data riba Wikidata ta:
- Liber. E datonan den Wikidata ta publica bou di e declaracion di Creative Commons Zero 1.0, cu ta permiti uzo di e datonan den hopi diferente scenario. Bo por copia, adapta of uza e datonan, hasta cu fin comercial, sin permiso.
- Colaborativo. E editornan di Wikidata, cu ta hinca dato y ta mantene esaki, ta dicidi tocante regla di crea y maneha contenido. Tambe tin Bots automatisa cu ta añadi dato na Wikidata.
- Multilingual. Ta posibel pa adapta, uza, busca y reuza dato den forma completamente multilingual. Propiedad introduci den un idioma lo ta disponibel di biaha den tur otro idioma. Ta posibel pa adapta den diferente idioma y ta stimula esaki.
- Un database secundario. Wikidata no ta colecta solamente declaracion, sino tambe nan fuente di informacion y tambe relacion cu otro banco di data. Di e manera aki ta crea diversidad, pero tambe ta sigura cu por verifica esaki.
- Coleccion di dato structura. Door di e nivel halto di structuracion di informacion, e ta yuda pa reuza e informacion facilmente door di proyecto di Wikimedia y door di tercero y ta haci cu computer tambe ta capaz pa procesa y ‘compronde’ e informacion aki facilmente.
- Sosten di e wikinan di Wikimedia. Wikidata ta sostene Wikipedia cu cuadro di informacion cu ta facil pa mantene y cu link na otro idioma, loke ta baha e presion pa adapta y ta eleva e calidad. Adaptacion den un idioma ta disponibel den tur otro idioma.
- Tur hende riba mundo. Tur hende por uza Wikidata riba tur sorto di manera door di uza e API.
Wak tambe: https://www.wikidata.org/wiki/Wikidata:Introduction/nl
Kier siña mas tocante Wikidata? #
Wak riba Wikidata Tours unda bo bo haya tutorial interactivo diseña specialmente pa usuario nobo.
Articulo relaciona cu esaki #
Pa kico Wikidata ta sirbi?
Kico ta Creative Commons?
