Pa añadi un palabra den un otro idioma na un item riba Wikidata, bo por sigui e siguiente pasonan:
- Bay na www.wikidata.org.
- Yena e palabra cu bo kier añadi den e veld di busca na man drechi ariba, pa check si e palabra no ta aparece den Wikidata ainda.
- Busca e item na cua bo kier añadi e palabra den e veld di busca, na man ariba, uzando un sinonimo den Ingles of Latin p.e. (na flora y fauna)
- Bo ta wak algun opcion y scoge e item cu bo ta buscando for di esakinan y klik riba dje. E seleccion ta bira biña.
Bo ta wak e item cu bo a selecta y un seccion cu e idiomanan cu bo por scoge pa yena
- Klik riba e boton ‘edit’ na man drechi ariba di e seccion cu e idiomanan.
Bo ta wak un notificacion cu bo no a login. Si bo no ta desea pa bo IP-adress ta visibel, ainda bo por login cu bo cuenta di Wikimedia (Wak: Con mi por traha un cuenta riba Wikipedia?). Esaki ta preferibel, pero no necesario. Kita e notificacion door di klik riba dje.
Si bo klik riba e diferente veldnan tras di bo idioma escogi, e cursor ta aparece y bo por yena e palabra.
Tin dos luga pa añadi un palabra den un otro idioma riba Wikidata.
- Label’ Si e espacio aki ta bashi ainda, bo mester yena e palabra akiden.
- ‘Also known as’ Si e espacio di label ta yena caba den bo idioma, bo mester yena e palabra akiden.
Ora bo cla, bo mester klik riba ‘publish’ y e palabra ta añadi riba Wikidata.
Den e ehempel akiriba tin un palabra yena caba na Hulandes na ‘label’, pues nos mester yena e sinonimo na ‘Also known as’. Finalmente, si bo yena e palabra cu bo a añadi den e veld di busca, lo bo wak cu awo si e ta duna resultado di e buskeda.
Cambio di idioma den bo preferencianan di usuario #
Standard Wikidata ta configura cu Ingles como idioma principal. Pa por añadi label den otro idioma, bo por haci esaki como lo siguiente:
- bay na www.wikidata.org
- drenta (login) cu bo nomber di usuario y password. Si bo no tin un cuenta ainda, traha un cuenta prome.
- bay den e menu na man drechi ariba na ‘Preferences’
- den e tab ‘User profile’ bo ta scroll bay abou, te na e seccion ‘Internationalisation’ y bo ta selecta e idioma cu bo ke establece como idioma standard door di klik riba e flecha, busca bo idioma di preferencia y klik riba dje.
- klik riba e conopi blauw ‘Save’ na man robes abou. Awo bo idioma di preferencia ta configura como idioma standard.
