Tempo pa lesa: 2 minuut
Dominio Publico ta contene tur obra creativo di cual nan derecho di autor a caduca, declara perdi of nunca a existi. Den esencia, e obranan aki ta liber di cualkier restriccion di derecho di autor y ta disponibel pa uzo general. E dominio publico ta contene entre otro obra di arte antiguo, documento historico y patrimonio cultural di cual nan derecho di autor a caduca. E obranan di dominio publico ta apto pa pone riba e diferente plataformanan di Wikimedia.
Con derecho di autor ta funciona? #
Derecho di autor ta proteha derecho di propiedad intelectual di e creado di un obra durante un periodo defini. Na Hulanda esaki ta 70 aña despues di fayecimento di e creado. Na Aruba esaki ta 50 aña. Durante e tempo aki e usuarionan di e obra di un creado tin di haber cu limitacion riba su uzo. Por ehempel pa reproduci of distribui obra protehi bou derecho di autor, semper mester permiso di e creado. Despues di 50 aña e limitacionnan aki ta caduca.
Identificacion di obra den Dominio Publico #
Pa comproba si un obra ta den Dominio Publico, por ta complica, pero tin guia general pa esaki. Obra produci prome cu 1923 (na Merca) of di cual e creado a fayece mas cu 70 aña pasa (na Europa) y 50 aña (Aruba), mayoria bes ta cay bou di dominio publico. Den caso di duda ta consehabel pa busca conseho huridico.
Akinan mas informacion: Wikimedia – Copyright and licensing on Aruba.pdf
Articulo relaciona cu esaki #
Kico ta Creative Commons?
Con derecho di autor ta regla riba Wikipedia?
Tin regla pa añadi potret riba Wikipedia?
