Tempo pa lesa: 2 minuut
Nos ta desconseha pa skirbi of pa edita articulo tocante e organisacion cu bo ta traha p’e den capacidad profesional, pa evita conflicto di interes (Mira Con mi ta skirbi un articulo tocante mi propio organisacion?).
Si bo bin descubri cu informacion den un articulo di Wikipedia tocante bo organisacion no ta cuadra (por ehempel door cu e no ta actual), bo por pidi un boluntario di Wikipedia pa adapta e articulo. Esaki por na diferente manera:
Laga mensahe riba e pagina di discussion di e articulo #
Cada articulo riba Wikipedia tin un pagina di discusion. Esaki ta destina pa discusion entre e boluntarionan tocante contenido di e articulo.
- Laga un mensahe den cua bo ta splica cua informacion no ta cuadra.
- Pone link pa por lo menos un, of preferiblemente pa mas fuente independiente y publica caminda por haya e informacion corecto, pa asina por inclui esaki como referencia den e articulo.
Tene cuenta cu e por dura un poco prome cu bo haya reaccion.
Tuma contacto cu e editornan envolvi #
Ta posibel tambe pa tuma contacto cu e boluntarionan cu anteriormente a traha riba e articulo tocante bo organisacion y pidi nan pa adapta e informacion. Cada articulo di Wikipedia tin un tab ‘Historia’ (View history) unda por wak exactamente kende a traha riba e articulo.
Tuma contacto cu un of mas boluntario cu a traha na e articulo tocante di bo organisacion, door di laga un mensahe riba nan pagina di discusion. Por haya sa con pa haci esaki den e articulo ‘Con mi por laga un mensahe riba e pagina di discusion di un usuario di Wikipedia?’
Articulo relaciona cu esaki #
Con mi ta skirbi articulo tocante mi propio organisacion?
Tin regla basico riba Wikipedia?
