Tempo pa lesa: 3 minuut
Wikimedia Foundation (WMF) ta un fundacion sin fin di lucro y e ta doño huridico di Wikipedia. Banda di esaki WMF ta percura pa recaudamento di fondo pa locual ta necesario pa mantene e plataformanan den aire y stimula desaroyo nobo, tambe ta mantene e servernan riba cua entre otro Wikipedia ta draai. Tambe WMF mes ta organisa proyecto cu ta pa drecha e plataformanan di Wikipedia of pa sostene e comunidad.
WMF y e comunidad di Wikipedia ta comparti un vision ambicioso.
Imagine a world in which every single human being can freely share in the sum of all knowledge. That’s our commitment.
Imagina un mundo den cua cada un persona por comparti libremente den tur conocimente cu tin. Esey ta nos compromiso
Dependencia di fondo, regalo y donacion #
Bou di e paraplu di Wikimedia Foundation tin diferente proyecto (e ‘proyectonan di Wikimedia’) di cua Wikipedia ta esun di mas bieu y mas conoci. Proyectonan ruman ta entre otro:
- Wikidata (data structura)
- Wikimedia Commons (file di media)
- Wikibooks (buki educativo)
- Wikisource (biblioteca liber)
Ningun di e proyectonan aki tin fin lucro of ta instancia comercial, pues nan ta dependiente di fondo y regalo. Un comunidad di colaborado boluntario ta mantene nan. E meta ta pa tin fuente di informacion elabora y neutral riba casi tur topico cu por pensa.
Capitulo y grupo di usuario #
Banda di Wikimedia Foundation tin mas of menos 40 asociacion independiente (‘capitulo’) y un 80 ‘grupo di usuario’ (formanan di cooperacion informal) den cua e Wikimedianonan a reuni pa dentro di un area geografico of un tema traha hunto pa realisa e mision.
E Asociacionnan ‘Vereniging Wikimedia Nederland’ y ‘Wikimedia Belgium’ ta pertenece na e asociacionnan nacional ey. Tur e organisacionnan y colaboracionnan ey ta non-profit of ta opera como non-profit. Dentro di e organisacionnan di Wikimedia no tin trahado paga cu ta crea contenido pa e proyectonan – e boluntarionan ta haci tur esaki.
E asociacionnan nacional, gruponan y boluntarionan individual ta organisa actividad rond di diferente proyecto di Wikimedia. Por pensa akinan riba dia pa saca potret di monumento den un cuidad, curso pa siña con pa edita riba Wikipedia, of dia pa skirbi pa conhuntamente traha riba articulo tocante un tema.
Lesa mas #
Por haya mas informacion tocante Wikimedia Foundation riba nan website:
https://wikimediafoundation.org
Articulo relaciona cu esaki #
Kico ta e diferencia entre Wikimedia y Wikipedia?
Kico ta Wikimedia Nederland?
Ken ta doño riba Wikipedia?
