Con mi por agrega un potret riba Wikimedia Commons cu mi telefon (Android)?

Tempo di lesa: 4 minuut

Bo por hasi esaki cu e aplicacion Wikimedia Commons Mobile pa Android. Akibou nos ta splika con bo por instala e aplicacion y con bo por agrega un potret fasilmente.

Instalacion #

1. Bai na Google Play store riba bo telefon of scan e QR code ariba.
2. Busca: “Wikimedia Commons app”.
   Bo lo mira e aplicacion cu e logo di Wikimedia Commons.
3. Selecta e aplicacion, primi riba dje y “Instala”.
   E aplicacion lo wordu agrega na bo telefon.

Agrega un portret mesora #

1. Saca un potret di algo interesante.
2. Habri bo aplicacion di camera y busca e potret cu bo a saca.
3. Primi “Comparti” of “Manda“.
4. Selecta “Upload to Commons” (e logo blauw di Wikimedia Commons).
   
   Importante: Subi solamente potretnan cu bo mes a saca y cu por tin balor pa Wikipedia (evita por ehempel, selfies of material cu tin copyright mira e reglanan mas bou).
   
5. Duna Commons permiso pa drenta bo folder di media.
6. Si ta e prome biaha cu bo ta uza e aplicacion, bo mester login cu bo cuenta di Wikimedia. Si bo no tin un cuenta, crea un gratis prome cu bo continua.
7. Duna bo potret un titulo y un descripcion.
8. Selecta e idioma cu bo kier usa y primi “Siguiente”.
9. Busca palabranan clave cu ta relaciona cu bo potret y selecta nan.
10. Primi “Siguiente”.
11. Selecta un categoria cu ta relaciona cu bo potret (bo lo mira sugerencianan basa riba bo palabranan clave).
12. Primi “Siguiente”.
13. Selecta un licencia pa bo potret. Si bo kier cambia e licencia default, primi e flecha na banda drechi.
14. Primi “Submit” y bo upload ta cla.
15. Bo por topa bo potret bou di “Contributions” den e app.

Video: Mira e video di 1.28 min. cu ta splika con e aplicacion ta traha (Ingles cu subtitulo Ingles).

Agrega un potret for di bo galeria

1. Bai na Wikimedia Commons app riba bo telefon.
2. Primi e boton “+” abou den e pantaya y selecta e icon di potret.
3. Selecta e potret cu bo kier agrega.
   Importante: Subi solamente potretnan cu bo mes a saca (no selfies of material cu tin copyright – mira e regla mas bou).
   
4. Si ta e prome biaha cu bo ta uza e aplicacion, bo mester login cu bo cuenta di Wikimedia.
   Si bo no tin cuenta, crea un gratis prome cu bo continua.
5. Duna bo potret un titulo y un descripcion.
6. Selecta e idioma cu bo kier usa y primi “Siguiente”.
7. Busca palabranan clave cu ta relaciona cu bo potret y selecta nan.
8. Primi “Siguiente”.
9. Selecta un categoria cu ta relaciona cu bo potret (bo lo mira sugerencia basa riba bo palabranan clave).
10. Primi “Siguiente”.
11. Selecta un licencia pa bo potret. Si bo kier cambia e licencia default, primi e flecha na banda drechi.
12. Primi “Submit” y bo upload ta cla.
13. Bo por topa bo potret bou di “Contributions” den e app.

Reglanan pa agrega potret na Wikimedia Commons #

Wikimedia Commons ta destina pa ilustra Wikipedia, asina cu por fabor subi solamente potretnan cu bo mes a tuma di entre otro e siguiente temanan:

✅ Naturalesa (mata, flores, paisahenan)
✅ Obhetonan di uso diario (bais, bus, obheto)
✅ Hende famoso (musicante, actor, deportistanan olimpico)

🚫 No ta permiti:
❌ Selfies of potret di bo amigonan
❌ Potret cu bo a haya riba internet
❌ Screenshots di aplicacion patenta

Atencion: Bo no por kita un potret cu bo a subi directamente mesora! Asina cu por fabor controla bo potret bon prome cu bo upload’e.